GENERAL SANTOS CITY – Gi-awhag ni Jenny Panisales, ang focal person sa Department of Health Region 12 ang publiko nga suportahan ang sugyot balaudnon nga giduso ni Sen. Manny Pacquiao nga patas-an ngadto sa P10 ang kada stick sa sigarilyo samtang ibawal ang tingi-tingi nga pagbaligya niini.
Kagahapon, gihisgutan sa City Hall ang may kalabotan sa anti smoking ordinance kung asa sumala pa ni Panisales, nasuta sa ilang buhatan nga ubay-ubay nga ka mga establisiemento sa syudad ang misupak sama na lang sa hustong pagbutang sa designated smoking area.
Sa iyang pahayag, angayang 10 metros ang gilay-on sa smoking area gikan sa entrance sa gambalay samtang usa ka gatus ka metros ang gilay-on ngadto sa tulunghaan.
Gibutyag ni Panisales, adunay ipalibot ang DOH-12 nga signature campaign aron pag-awhag sa katawhan nga suportahan ang sugyot balaudnon nga patas-an pa ang presyo sa sigarilyo.
Kalabot sa pangutana nganong pasiradhan na lang ang tobacco industry sa nasud, gibutyag ni Panisales nga dili kini basta basta nga mahimo tungod dako nga mga kompanya ang pang-atubangon sa gobyerno gawas nga adunay kiniy abogadong mudipensa knaila.
May kalabotan sa makolektang buwis, giangkon niini nga P25 Billion buwis kada tuig ang makolekta apan mas dako ang nagasto sa gobyerno may kalabotan sa toboccao related illness sa nasud nga miabot sa P128 Billion kada tuig.
