GENERAL SANTOS CITY – Mikunhod og 68 porsyento ang natala nga kaso sa dengue dinhi sa dakbayan. Basi sa rekord sa City Epidemiology Surveillance Unit sa City Health Office nga mukabat sa 1, 468 dengue cases og pito ang patay sa Gensan kaniadtong 2017.
Samtang sugod Enero 1 hangtod Hunyo 27 ning tuig, mukabat sa 267 lang ka dengue casea ang natala og walay namatay.
Kini 68 % nga pagkunhod kung ikumpara sa nakalabay nga tuig. Ang Barangay Fatima ang adunay pinakataas nga ihap sa dengue cases kung asa nakatala og 69.
Gisundan kini sa Labangal nga adunay 57 ka kaso sa dengue, sa Calumpang-55, Lagao-52, San Isidro-34, Apopong-34, Tambler-23, Mabuhay-20, City Heights-19, og sa Brgy Bula adunay 18 ka dengue cases nga natala.
Pagkakaron, padayon ang hugot nga kampanya sa City health Office batuk sa dengue.
