GENERAL SANTOS CITY – Padayong nagpaalim sa balay-tambalanan ang ginang nga gimartilyo sa bana una kini naghikog.
Kini gumikan sa naangkon ni Maricel Eliver, 36-anyos, mga samad sa ulo, aping ug abaga ang ginang gumikan sa gihimo kaniya sa bana nga si Joel Eliver, 51-anyos, pulos mga residente sa Prk Magsaysay, KPS, Brgy Labangal ning siyudad.
Kahinumduman nga nahitabo matud pa ang insidente miaging adlaw, kung asa matud sa Vivian Carbardo, iyaan sa biktima, nakadagan ug nakapangayo gilayon ug tabang sa mga silingan si Maricel, samtang ang bana niini nga si Joel ang naghikog gamit ang pisi, ug nakapalagan na lamang nga wala nay kinabuhi sulod sa ilang panimalay.
Gituuhang gumikan nagbasol matud pa kini sa gihimo niya sa asawa.
Una nang gikabutyag nga tungod sa selos hinungdan nga nahimo sa bana ang sa ingon.
Samtang, nagdesisyon ang pamilya sa magtiayon nga sa ilang panimalay na lamang ihaya ang patay’ng lawas ni Joel, ug dili na i-uli sa ila sa Bacolod.
