GENERAL SANTOS CITY – Dako ang kalipay ni Rosalio Pacquiao dungan sa pagsaulog sa iyang ika-61 nga adlaw nga natawhan kagabie.
Kini human nga mitambong sa selebrasyon ang iyang pamilya, mga kabanay ug suod nga mga higala.
Nagpasalamat ang amahan ni Senator Manny nga miabot sa 61 anyos og nagtuo nga makaabot pa sa 90- 100 ang edad tungod lagsik pa ang lawas.
Sa iyang pahayag, ang anak nga si Roel maoy migasto sa pagpa-cater para sa 200 ka tawo alang sa birthday celebration niini nga gipahigayon sa Mansion 1 sa Brgy. Lagao ning syudad.
Gibutyag usab ni Rosalio nga Hilux ang gipangayo nga regalo kang Sen. Pacquiao apan gisultihan nga paabot-abuton lang.
Kahibaluan nga gihatagan sa senador og kalubihan ang amahan aging tuig.
Nasayran nga wala makatambong si Sen. Pacquiao sa birthday celebration sa amahan apan sumala pa ni Rosalio nga dako gihapon ang kalipay niini tungod suportado siya sa mga anak.
