GENERAL SANTOS CITY – Kapin 16,000 ka mga bag-ong plaka ang available na karon sa Land Transportation Office 12.
Matud sa buhatan, kini mao ang mga plaka sa mga four-wheeled vehicle nga naparehistro kaniadtong 2015.
Anaa usab matud pa ang mga four-wheeled vehicles nga naparehistro gikan Setyembre hangtod Disyembre 2016.
Apan sa karon wala matud pay schedule sa pag-release niini, gumikan gina-inventory pa.
Hinuon, posibleng mag-schedule matud pa sa releasing sunod bulan. Nasayran nga sa kinatibuk-an, adunay 16,608 ka mga bag-ong plaka alang sa four wheels sa buhatan sa LTO-12, apan 249 pa lang ang napanghatag.
Wala pay lakip niini ang mga nagparehistro gikan Enero hangtod Hunyo ning tuiga gumikan sa COA disallowance.
Wala pa usay apil ang mga plaka alang sa motorsiklo, hinungdan nga mihangyo ug pagsabot sa buhatan.
