GENERAL SANTOS CITY – Mas nadasig si Pinoy ring legend Sen. Manny Pacquiao human sa anunsyo sa Malacañang nga mutan-aw mismo sa iyang away sa Hulyo 15 si Pangulong Rodrigo Duterte.
Matud kang Pacquiao, mas nahimo kining ganado ug inspirado sa umaabot nga comeback fight batok kang Argentine champion Lucas Matthysse dihang nasayran ang balita.
Kahibaluan nga gibutyag mismo ni Presidential Spokesman Harry Roque nga plano gayud Pangulong Duterte nga mutan-aw sa gikonsiderang “Fight of Champions” una ang meeting nini kang Malaysian Prime Minister Mahathir Mohamad.
Una niini, sa iyang unang adlaw sa Malaysia, nagpahigayon ang fighting senator ug tulo ka rounds sa jogging kauban ang Team Pacquiao, sa palibot sa Lake Perdana Park sa Kuala Lumpur.
Human sa iyang workout, game kining nagpakuha ug litrato sa mga fans.
