GENERAL SANTOS CITY – Dismayado ang pipila ka mga taga-City Social Welfare and Development Office human nga giatras sa 17-anyos nga biktima sa pagpanglugos ang kaso batok sa suspek nga usa ka CSU member.
Daw sa nasayang ang gihimo nilang tabang sa biktima aron mahatagan ug hustisya, human nga naangkon na sa suspek nga si Marvin Rondina ang hingpit nga kagawasan.
Kini human mipirma sa affidavit of desistance ang biktima, human matud pa may nahitabo nga pag-aregluhanay. Hinungdan nga walay nahimo ang kapulisan, ug gipatuman ang kamanduan sa korte nga buhian si Rondina.
Kahinumduman nga base sa reklamo sa biktima, giguyod siya ni Rondina padulong sa ikaduhang andana sa Dr. Jorge P. Royeca Hospital, ug didto gilugos. Ug gani, nagpositibo pa sa gihimong medical examination ang biktima, apan misangko gihapon sa aregluhanay.
