GENERAL SANTOS CITY – Wala nay problema sa timbang ni eight division world champion ug Sen. Manny Pacquiao, pipila ka adlaw na lang ang nahibilin una ang adlaw sa away sa adlaw’ng Dominggo.
Kini ang gipasalig ni Coach Buboy Fernandez kagahapong adlawa sa interview sa Bombo Radyo, una sika mibiyahe padulong sa Kuala Lumpur, Malaysia.
Sumala pa nga mitungtong na ang fighting senator sa 145 lbs. Kahibaluan nga mag-atbang silang Pacquiao ug Argentine boxer Lucas Matthysse sa catchweight nga 147 lbs.
Una nang gibutyag ni conditioning coach Justine Fotune nga plantsado na usab ang ilang mga diskarte nga Plan A, B ug Plan C batok sa mga istilo ni Matthysse.
Gumikan niini, pinasahi matud pa ang makita sa mga fans sa away sa July 15 gumikan daw sa mibalik na ang mas batan-on nga Manny Pacquiao.
