GENERAL SANTOS CITY – Nagsugod na imbestigasyon nga gihimo sa mga kadagku-an sa 73rd Infantry Battalion kalabutan sa paghilkog patay ni CAFGU member Caloy Gorio gamit ang usa ka M14 rifle.
Matud ni Army Lt Daryl Cansancio, tigpamaba sa 73rd Ifantry Battalion nga ilang sakop si Gorio nga nadestino sa 1205th Army Reserved Command nga nahimutang sa Buayan ning dakbayan. Gibutyag pa niini nga nahuptan na nila ang kopya sa imbestigasyon sa SOCO.
Usa sa gilantaw sa mga imbestigador ang posibilidad nga adunay mipusil sa biktima tungod taas kaayo ang nahisgutang pusil samtang gitan-aw usab nila ang posisyon dihang mahitabo ang giingon nga paghikog aron kabliton ang gatilyo sa pusil.
Nagpahigayon usab ug back ground check sa pamilya sa biktima.
Matud ni cansancio nga plano na sa biktima nga pakaslan ang hinigugma niini hinungdan nga nagpatokod ug panimalay apan kalit matud pang nawala ang babaye human matud pa gitabang sa usa ka habal-habal driver ang hinigugma sa biktima.
Una nang nagbutyag ang kapulisan sa Lagao nga walay foul play ang kamatayon sa nahisgutang CAFGU member.
