-- ADVERTISEMENT --
GENERAL SANTOS CITY – Gikumpirma ni Police Chief Insp. Nestor Calipho sa Maasim Municipal Police Station nga naghikog gayud ang piniriso nga nakaplagan nga nagbitay sulod sa selda sa ilang presinto.
Base kini sa nakita nga suicide note sa nagpangalan ug Usman Undong Andam, 55-anyos, taga-Lumatil, Maasim, na napuno matud pa sa pagpangayo ug pasaylo human matud pa nagbasol sa nahimo nga pag-amung-among sa iyang stepdaughter.
Kahinumduman nga miaging adlaw, nakaplagan ang naasoy’ng piniriso nga wala nay kinabuhi ug nagbitay gamit ang iyang malong.
Wala matud pa nakamatikod ang iyang mga kauban nga piniriso gumikan kaadlawon pa dihang iyang gihimo ang sa ingon, hinungdan nga tulog pa ang mga kauban.
