-- ADVERTISEMENT --
GENERAL SANTOS CITY – Blangko pa ang mga imbestigador sa Glan Municipal Police Station kalabot sa motibo ug ilhanan sa suspek nga mitigbas-patay sa usa ka lalaki nga nakaplagang patay sa Brgy Small, Margus, Glan, Sarangani.
Sa pakighinabi sa Bombo Radyo kang SPO1 Ronald Alido sa nasampit nga presinto, gibutyag niini nga ang biktima nailhan nga si Joel Maligao, 41-anyos, residente sa Sitio Cari sa nasampit nga barangay.
Nakaplagan matud pa ang biktima kaniadtong Sabado sa buntag sa nasampit nga lugar, nga may duha ka fatal nga samad-tinigbasan sa lawas.
Sa karon padayon pa sa pagpangalap ug impormasyon ang kapulisan alang sa nagpadayon nga imbestigasyon.
