GENERAL SANTOS CITY – Patay ang usa ka Purok Chairman samtang sikop ang usa ka drug surenderee sa gipahigayong search warrant operation sa Purok Islam, Brgy. Dadiangas South, GenSan.
Napatay sa raid sa Regional Police Drug Enforcement Unit 12 si Purok chairman Cris Tiu Likit nga dead on arrival sa ospital tungod sa naangkong samad pinusilan sa lawas samtang sikop ang drug surenderee nga si Neil Dayupay.
Pinasubay sa upat ka search warrant gipahigayon ang raid kung asa misukol matud pa si Purok Chairman Likit hinungdan gipabuthan sa pulis.
Kustodiya usab karon sa kapulisan ang nasikop nga suspek human narekober sulod sa iyang balay ang granada, drug paraperhnalia og tulo ka sachet sa iligal nga droga.
Sa maong raid, nagnegatibo sa armas og droga ang balay nilang Taha Abubakar, usa ka incoming Brgy. Kagawad sa lugar og Usop Mulok, usa ka drug surenderee.
