GENERAL SANTOS CITY – Mukabat sa 49, 528 ang mga nabakunahan sa City hEalth OFfice sa gipahigayon nga ligtas tipdas immunization program.
Kini dakong ihap na gikan sa target sa ahensiya nga mukabat sa 68,381 nga mga bata dinhi sa syudad.
Matud kang Dr. Jett Oco ang labaw sa CHO nga usa ka bulan nga programa nga nagsugod Mayo 8 og nahuman Hunyo 8, 2018 kung asa nahimo kining malampuson.
Gibutyag niini, anaa kini sa 72. 44% nga nalagpasan ang kanhi mga record nga anaa sa 40%.
Sa iyang pamahayag nga sa miaging mga katuigan kanunay nga anaa sa ulahi nga pwesto ang GenSan apan karon nagtala og bag-ong record.
Ang usa ka dakong hagit ngadto kanila ang isyu sa Dengvaxia nga gipatuman ang maong programa nga kontrobesyal pa ang maong hisgutanan.
Sa mga wala nabakunahan pwede nga muadto sa mga health centers gumikan gilugwayan ang ligtas tipdas immunization hangtud sa Hunyo 29, 2018
