GENERAL SANTOS CITY -Mukabat sa 50 ka mga kabayo ang nahimong kabahin sa parada nga gipahigayon civic military parade, alayon sa pagsaulog sa dakbayan sa Golden City Charter Anniversary karong adlawa.
Gikabutyag nga apil ang mga kabayo sa parada karon, gumikan sa nahimong papel sa mga kabayo kaniadtong panahon nilang Gen. Santos, gumikan wala pay laing matang sa masakyan.
Pasado alas-5:00 sa buntag nagsugod ang parada sa pagpanguna sa Pioneers and Descendants of Paulino Santos, mga opisyal ug empleyado sa gobyerno, mga tulunghaan ug ubang sektor, nga nabahin sa duha ka gupo ka grupo, kung asa ang usa nanukad sa Queen Tuna Park, samtang ang laing grupo ang naggikan sa GenSan Park.
Hinungdan nga kamatikdan nga gisirad-an ang pipila sa nag-unang dalan sa siyudad, hilabi na sa sentrong bahin kung asa gipahigayon ang parada.
Pag-abot unya sa Plaza ng Heneral Santos, gipahigayon ang wreath laying kung asa naghalad ug bulak sa monumento ni Gen. Paulino Santos sa pagpanguna sa mga opisyal sa lokal nga panggamhanan.
Human niini, mulahos sila sa Oval Plaza kung asa ipadayon ang programa. Kahibaluan nga gideklarang special non-working holiday karon sa siyudad, kung asa gitawag usab nga Metro GenSan Day karong adlawa.
Pagkahapon ipahigayon ang grand anniversary ball kung asa giimbitahan ang tibuok pamilyang Chiongbian, gumikan hatagan ug post humost award si kanhi Rep. James Chiongbian, ang gikonsidera nga amahan sa siyudad.
Kahibaluan nga plano unta nga magpalupad ug 50 ka yellow nga lobo alayon sa kasauglugan ning adlawa, apan gikansela na sa LGU ang maong plano human gisaway sa environmental group gumikan makadaot matud pa sa kinaiyahan.
Ang GenSan nahimong chartered city subay sa Republic Act No. 5412 nga giduso ni Late Congressman James Chiongbian ug giaprubahan ni Pangulong Ferdinand Marcos kaniadtong June 15, 1968.
