GENERAL SANTOS CITY – Kasong rape with homicide ang giatubang sa suspek sa pagpanglugos ug pagpatay sa singko anyos nga batang babae sa Tampakan, South Cotabato, human masikop kagahapon sa udto, sa Poblacion, Alabel, Sarangani.
Matud ni PSI Rafael Banggay Jr., hepe sa Tampakan Municipal Police Station, giila ang suspek nga si Sandro Ugdamen, 42-anyos, residente sa Barangay Poblacion, Tampakan.
Nasikop matud pa ang suspek sa hiniusang pwersa sa Sarangani Police Provincial Office ug kapulisan sa Tampakan, nga lango pa sa droga hinungdan nga dili maistorya ug tarong.
Ipailawom sa drug test ang suspek aron mapamatud-an nga gagamitan ug droga.
Una niini, nakaplagan ang patay’ng lawas sa singko anyos human matud pa gilugos ug gipatay sa suspek miaging adlaw.
