GENERAL SANTOS CITY – Padayong ginasusi sa mga otoridad kon unsa ang nakahilo sa lima ka miyembro sa pamilya sa Kihan, Malapatan, Sarangani.
Kahibaluan nga dungan nga gidala sa usa ka tambalanan dinhi sa siyudad silang Mercy Sucal, 42-anyos ug bana nga si Dolpin ug mga anak nga silang Winston, Wowie ug Esther nga duha ka bulan nga mabdos, pulos mga residente sa Libi, Malapatan.
Una niini, nag-uling matud pa ang mga nahisgutan sa Kihan, Malapatan. Gibilin matud pa nila ang balon nga tubig sa usa ka payag.
Dihang nangape sila pasado alas-6:00 sa gabii, apan pagkahuman didto na nagsugod sa pagsakit ang ilang ulo.
Gituuhan nilang responsable ang duha ka tawo nga nagbutang matud pa sa hilo sa sudlanan sa tubig nga ilang gibilin sa lugar.
Hinuon, nakarekober na sa pagkakaron ang mga biktima.
