GENERAL SANTOS CITY – Padayon karon ang hot pursuit sa kapulisan sa Polomolok, South Cotabato, batok sa mga suspek nga mipusil sa managsuon miaging adlaw sa National Highway Prk 9 Brgy Sulit, Polomolok.
Kini human nga nailhan matud pa sa mga biktima nga silang Gabriel ug John Rey Dumago, mga residente sa Koronadal Proper, Polomolok, ang mga suspek.
Kahibaluan nga nahitabo ang insidente samtang sakay sa motorsiklo ang mga biktima, kung asa kalit matud pa nga may usa ka motorsiklo nga miabot ug gipangpusil ang managsuon, dayon paspas nga misibat.
Nakaangkon ang managsuon ug mga samad-pinusilan sa tiyan ug dughan, ug kasamtangan pang nagpaalim sa balay-tambalanan.
Sa imbestigasyon, anggulo may kalabutan sa bangi sa yuta ang maoy ginatan-aw sa kapulisan.
