GENEARAL SANTOS CITY – Gitugyan na ni Elizabeth Avenido ang iyang anak nga si Angelito Avenido sa mga otoridad human kini masikop gumikan sa pagdunggab patay kang Atty Madonna Joy Tanyag ang Assistant Prosecutor sa Buhatan sa Ombudsman.
Kini human nahibaw-an nga nasikop sa kapulisan human gitudlong responsable sa pagpatay sa abogada nga lima ka bulan nga buntis.
Paghulagway niini nga usa ka maayong anak si Angelito apan kung mahubog na, mausob ang kinaiya hinungdan nga nagsulod ug gawas na lamang sa selda sa presento tungod sa pagamit niini ug rugby.
Gikumpirma usab niini nga pipila ka semana pa lamang human makagawas sa prisuhan nalambigit gilayon sa pagpangdunggab nga gikamatay pa sa biktima hinungdan nga milayas sa Gensan apan wala kuno matud pa kini masayod kung asa nagtago ang anak.
