GENERAL SANTOS CITY- Nahimong hapsay ang pag-able sa unang adlaw sa klase alang sa school year 2018-2019, kagahapong adlawa.
Matud sa DepEd-12, kapin usa ka milyon ka mga estudyante gikan kinder hangtod senior high school, ang misulod na sa ilang klase sa unang adlaw niini.
Gikabutyag nga walay mga dagkong problema nga natala sa nagkadaiyang mga tulunghaan atul sa unang adlaw sa klase, kung asa gilayong nagsugod sa pag-lecture ang mga magtutudulo.
Kahibaluan nga hugot usab ang gipatuman nga security measure sa kapulisan, kung asa gitutukan ang seguridad sa mga estudyante ug makalikay sa dili maayong sitwasyon.
Samtang, kahibaluan nga adunay ubang senior high school ug kolehiyo sa pribadong tulunghaan nga sa Hunyo 11 pa, o sunod semana, magsugod sa klase.
