GENERAL SANTOS CITY – Nagmalampuson ang gilusad nga “National Schools maintenance Week” kon Brigada Eskwela dinhi sa dakbayan nga gipangunahan ni DepEd Secretary Leonor Briones.
Gipahigayon kini kagahapon sa New Society National High School sa Brgy. Apopong nga gitambungan usab ni Deped Usec. Tonisito Umali, DepEd 12 Dir. Arturo Bayucot , uban pang Dep-Ed og LGU officials.
Sa pagpamulong ni Sec. Briones, gibutyag niini ang kamahinongdanon sa Briagda Eskwela kung asa gawas sa paghinlo sa mga tulunghaan, makit-an ang panaghiusa nga walay gipili nga relihiyon.
Gani, gipasalamatan sa kalihim ang mga kompanya, organisasyon og indibiduwal nga padayong gasuporta sa mga pangpublikong tulunghaan.
Wala usab makalimti ni Briones nga pasalamatan ang tanan ilabi ang DedEd 12 ug DepEd GenSan sa mainitong pagsugat kaniya sa paghidangat sa dakbayan kung asa adunay mga giandam nga mga performance sa programa.
Mukapin sa 1 million estudyante ang gilauman musulod sa pag-abli sa klase sa Hunyo 4 alang sa school year 2018-2019.
