GENERAL SANTOS CITY – Gatuo ang usa ka sports analyst nga magmadaugon ang defending champion Golden State Warriors kontra sa Houston Rockets sa ilang Western Finals showdown karong adlawa.
Sa pakighinabi sa Bombo Radyo, gibutyag ni Fred Lumba, kini gumikan ang anaa sa Warriors ang upat karon ka maayong players sa NBA nga silang sa Stephen Curry, Klay Thompson, Dreymond Green og si Kevin Durant.
Sa iyang pamahayag, siga sa NBA og walay makatupong kanila bisan unsa nga team. Gikadugang pa ni Lumba, dili makadula si Chris Paul karong adlawa gumikan sa injury og gitan-aw niini nga dakong kawad-on sa Houston sa apag-angkon og dakong puntos.
Samtang, ang mga nakit-ang rason ni Lumba nganong napildi ang Boston Celtics sa Cleveland Cavaliers sa do-or-die Game 7 sa Eastern Conference Finals kagahapon nga una, mao ang kamaayong player ni Lebron James, kung asa mihimo og 35 puntos, 15 rebounds, og siyam ka assists.
Ikaduha, wala magdula si Kyrie Irving gumikan na-injured. Ikatulo, aduna nay kasinatian ang Cavaliers sa kampeonato.
Sumala pa ni Lumba, bisag wala nagdula si Kevin Love sa Cavs apan mi-arangkada si Lebron og uban pang team mates.
