GENERAL SANTOS CITY– Mubiyahe na karong adlawa si Sen. Manny Pacquiao kauban ang Team Pacquiao padulong sa Kauluhan.
Alang kini sa trabaho niya isip senador, gumikan magsugod na ang sesyon sa Senado. Kauban niya ang Team Pacquiao gumikan ipadayon gihapon niya ang pagbansay didto.
Giatangan usab ang pag-abot ni conditioning Coach Justin Fortune, aron makauban nilang Head Coach Buboy Fernandez, Trainer Nonito “Dodong” Donaire Sr., ug former national coach Ting Ariosa, sa pagbansay kang Manny.
Mubalik ang Team Pacquiao dinhi sa dakbayan sa Hunyo 1, dungan sa pagsugod sa heavy training, alang sa umaabot nga away batok kang Lucas Matthysse sa Hulyo 15, sa sa Axiata Arena sa Kuala Lumpur, Malaysia.
Una nang gibutyag sa Bombo Radyo ni Coach Buboy nga anaa na sa 40% ang kondisyon sa fighing senator, pipila ka semana human nagsugod ang ilang light training.
