GENERAL SANTOS CITY – Migawas ang matud pa rason sa pagbayluanay sa Comelec regional directors sa Region 11 ug 12.
Kini human gibalhin sa Region 12 si kanhing Comelec 11 Director Atty. Remalani Tambuang, samtang si Comelec 12 Director Atty. Michael Abbas ang gibalhin usab sa Region 11 o sa Davao.
Nasayran nga gumikan kini sa reklamo sa usa ka mayor nga kanhing misis ni Tambuang.
Base sa report nga nakalap sa Bombo Radyo, nagreklamo si Banay-Banay, Davao Oriental Mayor Adalla Caballero Lopez, gumikan nabalaka matud pa siya nga may matigayong pagpanikas sa iyang munisipyo gumikan gapapili sa pagka-barangay kapitan sa Barangay Peso ug Barangay Mugbong Cogon ang duha ka mga igsuon ni Tambuang.
Matud usab kang Director Tambuang, human nag-file ug certificate of candidacy ang duha niya ka igsuon, mihangyo siya sa Comelec Central Office nga ibalhin siya sa ubang lugar, apan wala gilayong mityubag ang Comelec Manila.
