GENERAL SANTOS CITY – Gitawag ni Aquiles Zonio, tigpamaba ni Sen. Manny Pacquiao, nga racist si Coach Freddie Roach.
Kini ang rason nga mas nakauyon sila karon nga dili na si Roach ang maoy gahupot sa pagbansay ni Pacquiao.
Ug gani, mas nalipay matud pa siya nga wala na si Roach sa training camp ni Pacquiao.
Sumala pa nga gawas sa medyo dili niya mauyunan nga batasan sa Hall of Famer coach, mas ginapalabi usab matud pa ni Roach ang mga langyaw nga media hilabi na didto sa Amerika, kung asa wala matud pa niini ginapasulod sa Wildcard Gym ang mga Pinoy journalist nga ga-cover unta sa training ni Pacquiao.
Apan kon langyaw ang musulod, wala ginababagan.
Dugang pa ni Zonio, maayo ug may katakos usab matud pa silang Coach Buboy Fernandez ug Nonoy Neri, ug paigo na sila alang sa pagpakondisyon ug pagbansay sa fighting senator.
Hinungdan nga dili kaayo kawad-on ang pagkawala ni Coach Freddie sa pagpangandam sa Team Pacquiao alang sa sunod nga away sa Pinoy ring icon.
