GENERAL SANTOS CITY- Nag-atubang ug kasong pagsupak sa RA 9165 kon Comprehensive Dangerous Drugs Act of 2002 ang walo ka mga dinakpan sa managlaing drug operation nga gipahigayon sa Polomolok, South Cotabato.
Unom ka matud pa drug pusher ang nasikop sa usa ka resort sa Pagalungan human sila napalitan sa undercover nga pulis ug tig-usa ka dakong sachet sa shabu sa kantidad nga P100,000.
Narekober usab gikan sa mga suspek ang bulto sa shabu nga gibanabanaang nagkantidad ug P200,000.
Giangkon mga suspek nga gagamitan sila ug droga, apan gipanghimakak nga gabaligya sila.
Samtang, laing duha ang naaresto sa usa ka gasolinahan sa Polomolok, human makuhaan ug usa ka sachet sa shabu ug P500 nga marked money.
Gipanghimakak sa suspek nga gipanag-iyahan nila ang mga ebidensiya nga nakuha sa mga awtoridad.
