GENERAL SANTOS CITY – Gikatakda nang pangkuhaon ang mga kahoy sa national highway, nga maapektuhan sa road-widening nga ginapatuman sa siyudad.
Gipaklaro ni City Councilor Beth Bagonoc, ang chairperson sa Committee on Environment, nga dili supak ang siyudad sa pagkuha sa nahisgutang mga punuan sa kahoy sa national highway.
Sa natigayong imbestigasyon sa buhatan ni Bagonoc, nasayran nga mukabat sa 150 ka punuan sa kahoy sa siyudad, samtang kapin 200 kung ilakip ang padulong sa Alabel, Sarangani.
Kung mubabag ang siyudad, basin ug maapektuhan ang laing mga proyekto.
Bisan pama, luyo niini may kondisyon matud pa nga angayang siguruhon nga itanum balik ang punuan sa kahoy ug mabuhi.
Gawas niini, sa matag usa ka punuan nga kuhaon ang magtanum ug laing 100 ka punuan nga siguradohon nga mabuhi.
Dugang pa ni Bagonoc nga adunay exemption nga kung gamiton sa gobyerno ug delikado sa kinabuhi sa tawo.
Kahibaluan nga ang highway ang usa ka usa ka international highway nga makit-an nga signboard nga AH1.
