GENERAL SANTOS CITY – Mukabat sa 117 ka taxi dinhi sa dakbayan ang naka-calibrate na ang ilang metrohan nga gipahigayon sa Oval Plaza kagahapon.
Gibutyag sa Bombo Radyo ni Rasul Rachman sa Land transportation and Franchising regulatory Board kon LTFRB, ang metrohan sa taxi ang gibutangan ug “full type” nga nagsilbing silyo kung asa lisod nga matangtang tungod metal.
Sa iyang pamahayag, ang pag-calibrate sa metrohan aksyon sa LTFRB sa dugay na nga reklamo nga ang pamasahe sa taxi sa syudad ang pinaagi sa kontrata system og dili pinaagi sa metro.
Ang ubang taxi nga wala maka-calibrate didto sa ilang accredited calibrator sa Davao magpa-calibrate.
Sumala pa ni Rachman nga ang taxi nga mapamatud-an nga wala gasunod sa metrohan sa pagsingil og pamasahe sa ilang pasahero o gabiyahe nga wala ma-calibrate ang metrohan ang mag-multa ug P5,000 sa 1st offense , P10,000 sa 2nd offense ug P15,000 sa 3rd offense ug kanselasyon sa ilang prangkisa.
Anaa sa P40 ang inisyal nga balaydunon sa paglingkod sa pasahero og dugang P13.50 sintabos sa matag usa ka kilometro sa pagsakay sa taxi.
Nasayran nga mukabat sa 130 ka mga taxi sa syudad ang legal nga ga-operate.
