GENERAL SANTOS CITY – Gibanabanaang mukabat sa P750,000 ang kantidad sa damyos nga natala sa kabomberuhan, human masunog ang usa ka balay ug boarding house sa Atis St. Brgy Dadiangas West, kagahapon sa kaadlawon.
Electrical short circuit ang gituuhang hinungdan sa pag-ulbo sa kalayo, base sa pag-imbestiga sa Bureau of Fire Protection-GenSan.
Wala nay nasalbar nga gamit ang mga residente sa nasampit nga boarding house ug panimalay, ug bugtong ang gisul-ob nila nga sapot ang bugtong nabilin kanila.
Gumikan niini, subling nagpahimangno ang kabomberuhan sa lugar nga mag-amping gayud ug dili magkumpiyansa batok sa sunog.
Ug kanunay’ng ipa-check ug ilisan ang mga karaan nga linya sa kuryente, ug likayan nga mahimong overloaded, aron dili magresulta sa sunog.
