GENERAL SANTOS CITY- Angol ang duha ka miembro sa New Peoples Army kon NPA human ang engkwentro tali sa militar sa Kinam, Malapatan Sarangani Province.
Sumala pa ni LT. Daryl Cansancio, tigpamaba sa 73rd Infantry Batallion Philippine Army nga angol ang nagpangalan nga si Lantay Mangay alyas Nanghay nga taga Jose Abad Santos Davao del Sur human naigo sa bukton apan misurender kini hinungdan nga nadala sa tambalanan.
Gibutyag ni Cansancio nga ang nasampit ang walay armas tungod bag-o lang ankasulod ug tigluto ug tigbitbit lamang sa mga kaubanan.
Wala usab ma-identify ang laing angol ug posibleng anaa sa makuyaw nga kahimtang.
Gibutyag pa sa opisyal nga nabungkag ang mga nahisgutan ug wala nakapangandam sa dihang nagkaengkwentro ug nagkatibulaag. Nakakuha usab sila ug mga gamit gikan sa mga rebeldeng NPA.
