GENERAL SANTOS CITY – Gikinahanglan karon ni Sen. Manny Pacquiao nga mudaog via knockout, sa umaabot nga away nila sa Argentian nga si Lucas Matthysse.
Kini ang panglantaw ni Fred Lumba, sports writer ug analyst, sa pakighinabi sa Bombo Radyo. Sumala pa nga kini ang angayang paningkamutan sa fighting senator, aron mutuo ang mga boxing fans nga wala pa siya milaos.
Una niini, gibutyag ni Lumba nga dili kalikayan nga mabalaka alang kang Pacquiao, gumikan kampeon usab ug mas batan-on ang Argentinian boxer, sama kang Jeff Horn.
Kini hilabi na nga medyo dugay na usab nga nakapahulay sa away si Pacquiao, sukad ang nahimong kapildihan kang Horn kung asa sama sa kutsilyo nga dugay wala ginagamit, nga magtaya ug mahabol.
Hinuon, isip mga Pinoy, angayan na lamang nga lauman ug i-ampo nga maglampos ug magmadaugon si Pacquiao alang sa nahisgutang away.
