GENERAL SANTOS CITY – Sa adlaw nga Martes na, Abril 10, ipasaka ang kaso batuk sa usa ka babaye nga high value target nga dinakpan sa gipahigayong buy – bust operation sa PDEA 12 sa Brgy. Apopong, ning syudad sa miaging adlaw.
Mag-atubang sa kasong paglapas sa Section 5 (pagbaligya og druga) og Section 11 (Paghupot ug druga), Article 2 sa RA 9165 o Comprehensive Dangerous Drugs Act of 2002” ang target suspect nga si Bengan Kamsa Alias Bengan, 45 anyos, minyo, walay trabaho nga residente sa Brgy. Bagua III, Cotabato City.
Gisulod sa sakop sa Dir. Valente Cariño kauban ang City Public Drug Enforcement Unit 12 sa pagpanguna ni PInsp. Renato Dungca ang panimalay sa suspek.
Narekober atol sa operasyon ang 50 gramu sa pinauga nga dahon sa mariwana nga kantidad og P1,750.00 samtang laing duha ka kilo sa dahol sa marijuana nga adunay estimated market value nga P10,000.
Samtang nailog balik sa kapulisan gikan sa suspek ang P1,000 marked money nga magsilbing ebidensiya sa pagpasaka ug kaso sa suspek.
Ang suspek ang nagpabiling balhug sa detention facility sa PDEA 12.
