GENERAL SANTOS CITY – Giimbitahan ang mga bangka riders sa Sarangani nga muapil sa matigayon nga Bombo Radyo Bancarera: Mahin Festival 2018 Edition.
Matigayon na kini sa Abril 21, adlaw’ng Sabado, didto sa Gumasa, Glan, Sarangani Province, alayon sa Mahin Festival sa Glan.
Gipanawagan ang tanang mga bangka riders hilabi na sa Glan, nga magpalista na gilayon dinhi sa sibyahanan, aron dili mahutdan ug slot.
Kahibaluan nga dagkong premyo ang giandam alang sa mga mananaog.
Ang magkampeon makadawat ug P20,000; P15,000 alang sa first runner-up; P10,000 sa second runner-up; ug may tig-P500 nga consolation prize ang mga non-winning riders.
Giimbitahan usab ang mga taga-Glan nga ayaw pakyasa, inay saksihi gayud ang Bombo Radyo Bancarera: Mahin Festival 2018 Edition, dungan sa pakigduyog sa nasampit nga kasaulugan, gumikan siguradong mag-enjoy ang tibuok pamilya.
