-- ADVERTISEMENT --
GENERAL SANTOS CITY – Dead on arrival sa ospital ang usa ka tuig og onse ka bulan nga batang lalaki human nga aksidenteng nalumos sa tub.
Ang maong biktima ang giila lamang nga si Baby Boy.
Gibutyag nga natigayon ang insidente samtang galaba ang inahan sa bata ug wala niini nabantayan nga miadto sa tub ang anak ug aksidenteng nalumos.
Sa dihang nawala ang bata, nagdahum ang inahan niini nga nakigdula lang ang anak ngadto sa mga igsuon niini nga bata pa.
Apan sa dihang giadtuan ang mga anak gawas sa ilang balay , wala niini makit-an ang kamanghuran nga anak.
-- ADVERTISEMENT --
Gipangita niini sa tibuok balay ang anak og didto nakit-an nga naglutaw na sulod sa tub.
Gidala pa sa ospital ang bata apan gideklara sa mga doktor nga patay na.
