GENERAL SANTOS CITY – Misurender sa 1st Marine Brigade sa Philippine Army nga nakabase sa Lebak, Sultan Kudarat ang lima pa nga miyembro sa New People’s Army (NPA) sa Marine Battalion Landing Team-2 sa Brgy Keytodac, Lebak, Sultan Kudarat.
Giila ang mga nagsurender nga silang Ariel Udas Apang, 29-anyos; Iyoy Lebeg Nayam, 31-anyos; Nicanor Nayam Apang; 38-anyos; Ariel Matog Apang, 36-anyos nga mga residente sa Barangay Keytodak, Lebak; og Uwi Sulay Kulam, residente sa Brgy Sabanal, Kalamansig, Sultan Kudarat.
Gisurender sa mga nasampit ang caliber .30 M1 Carbine, 9mm improvised Uzi, granada og duha ka improvised explosive device (IED).
Alayun niini, gilauman sa tropa sa gobyerno nga madugangan pa ang ihap sa mga nagsurender gikan sa grupo sa NPA tungod sa mas gipakusog nga kampanya sa gobyerno batuk sa mga rebelde.
Nasayran nga kapin 150 miyembro sa NPA ang una ng misurender sa Sultan Kudarat.
