GENERAL SANTOS CITY – Duha ang angol human ang natigayong aksidente sa dalan sa fil-am avenue corner fernandez st Fatima ning syudad partikular sa entrance sa Antonio C. Acharon Memorial Cemetery.
Na-involve niini usa ka traysikel (Kawasaki boxer) og Fusu forward truck.
Anaa sa ICU sa ospital ang driver sa traysikel nga si Roland Calub Salvador human nga nakaangkon ug samad sa mga tiil og bun-og sa ulo samtang nagpabiling na-admit ang pasahero niini nga si Anthony Labrador nga pulos taga Brgy. Lagao ning syudad.
Gibutyag ni SPO1 Jessie Palalay, gadagan sa outer lane ang traysikel gikan sa downtown paingon sa Fatima samtang ang forward truck gikan sa Uhaw ug paingon sa Crossing Tambler.
Pagsaysay sa driver sa forward truck nga si Roland Hernaes nga taga tribal village Bawing, may gilikayan siya nga van sa iyang atubangan.
Dihang mipaingon sa right lane, may traysikel nga anaa sa outer lane hinungdan nga mibawi sa left lane apan nakasugat na hinuon ang traysikel nga gisakyan sa mga biktima.
Anaa sa kustodiya sa Traffic management unit ang driver sa f orward truck lakip sakyanan alang sa dugang imbestigasyon.
Gikabutyag nga plano pa unta nga musibat sa driver sa truck apan gitabangan og pugong sa mga tawo sa lugar ug giturn-over sa kapulisan.
