GENERAL SANTOS CITY – Angayang respitohon ang desisyon ni Pangulong Rodrigo Duterte kalabot sa paghawa sa nasud isip sakop sa International Criminal Court (ICC) o mag-withdraw sa usa ka organisasyon nga giapilan.
Kini ang pahayag ni Senator Sen. Manny Pacquiao isip suporta sa gihimong lakang sa Pangulo.
Sumala ni Pacquiao, dili pwede nga hilabtan sa laing nasud ang mga patakaran sa Pilipinas ilabina kung walay laing gusto ang Chief Executive nga mao si Pangulong Duterte nga maangkon sa nasud ang kalinaw, masulbad ang mga problema sa nasud sama sa ilegal nga droga og uban pa.
Sa pamahayag sa magbabalaud nga adunay mga tawong mukontra, inay nga mas maayong himuon nga magtinabangay pa ang tanan aron maangkon ang kalinaw og ang kalambuan sa nasud.
Natigayon ang desisyon sa pangulo nga mag-withdraw isip miembro sa ICC human nga gibutyag sa maong organisasyon nga mahimong maimbestigahan ang presidente tungod sa isyu sa extra judicial killings sa nasud.
