GENERAL SANTOS CITY – Pulos “No comment.”
Kini lamang ang tubag ni Gemma Libuon, ang gikabutyag nga tag-iya sa gatusan ka mga NFA rice nga nabisto nga gina-rebag sa usa ka bodega, sa mga pangutana atul natigayon nga ikaduha ug ulahing hearing kauban ang mga opisyal sa National Food Authority Region 11, kagahapong adlawa.
Inay, gibasa lamang ni Libuon ang iyang supplemental counter affidavit, isip tubag sa alegasyon, kung asa iyang gipanghimakak ang gialegar sa National Bureau of Investigation nga nabisto nga rebagging.
Hinuon, iyang giangkon nga nag-arkila sa warehouse ni Tamone, sa kantidad nga P5,000 matag bulan.
Samtang, gihingusgan ni Herbert Tamone, ang tag-iya sa nahisgutang bodega, nga wala nakapagaling sa iyang pinalit nga palay ngadto sa iyang rice mill nga nahimutang sa Esperanza, Sultan Kudarat.
Nasayran nga mitambong usab sa pagdungog si Nelson Alnas, nga usa matud pa ka licensed rice retailer, nga gikabutyag nga tag-iya sa 16 bags sa spotted rice nga nasirad-an na, atul sa nasampit nga raid.
Kahibaluan nga lima ka adlaw sukad karon, magdesisyon na matud pa ang NFA-11 kalabutan sa imbestigasyon nga sa rice re-bagging.
Matud pa ni Dianne Silva, ang regional di rector sa NFA-11, tataw sa imbestigasyon nga ang NFA rice ang dili gikan sa ilang buhatan inay gikan sa NFA region 12.
Gibutyag pa niini nga mismo na ang mga empleyado sa NFA South Cotabato ang nagkumpirma nga kang Gemma Libuon nila gibaligya ang ilang rice allowance.
