GENSAN – Nasikop na ang pito ka mga suspek sa pagpatay sa usa ka gituuhang foreigner, nga nakaplagan ang patay’ng lawas sa usa ka abandonadong balay sa MC Village Blk 5 Brgy Fatima ning dakbayan.
Sa pakighinabi sa Bombo Radyo kang Police Senior Inspector Fernando Manuel, hepe sa Fatima Police Station, gibutyag niini nga human kini sa gipahigayong continuous manhunt operation sa kapulisan, human masikop kaniadtong Martes si Lito Sumud-ong nga usa ka notorius na robbery holdup suspect.
Kini human giangkon ang gihimong pagpatay sa biktima, ug gikanta ang iyang mga kauban.
Base sa inisyal nga impormasyon, giila ang biktima nga si Frank Cruz, base sa narekober nga IDs niini.
Temporaryo matud pa kining nagpuyo sa usa ka boarding house sa Brgy Bula ning siyudad.
Gituuhang may kalabutan sa salapi ang pagpatay sa biktima, gumikan usa matud pa sa mga suspek ang regular nga suki matud pa sa usa ka bugaw sa lugar, nga paryente sa nasikop nga notorius robbery holdup suspect, ug buot nilang pangwartahan ang biktima.
Gikabutyag nga magparyente ang mga suspek, kung asa pipila kanila ang mga minor de edad, nga nasikop matud pa sa may Alabel.
