GENSAN – Mikunhod ang ihap sa natala nga kaso sa dengue ning panahuna, dinhi sa dakbayan.
Base sa talaan sa City Epidemiology Surveillancen Unit sa City Health Unit, mukabat na sa 155 ka dengue cases ang ilang natala sugod Enero hangtod Marso 9 nila nga record.
Gikabutyag nga 82% kini nga mas ubos itandi sa susamang period miaging tuig nga may 840.
Nanguna ang Brgy Fatima nga may 28 ka kaso sa maong sakit ang natala, kon 18% sa nasampit nga ihap.
Sunod ang Brgy Labangal nga may 19; Calumpang-19; Lagao-17; ug Apopong-12.
Samtang wala pay natala nga dengue cases sa Brgy san Jose, Olympog, Upper Labay, East, Batomelong ug Baluan.
Samtang, base usab sa nasampit nga report, wala pay natala nga namatay tungod sa dengue dinhi sa siyudad, alang ning tuiga.
