GENSAN – May epekto sa kaso kalabutan sa iligal nga droga ni Sen. Leila De Lima ang gihimong pagbasura sa DOJ sa kaso ni Kerwin Espinosa lakip na kang Peter Lim nga una nang gikareport nga mga drug lords sa Pilipinas.
Kini ang gibutyag sa Bombo Radyo ni Kagawad Edmar Yumang, kung asa lakip matud pa si Espinosa sa gilambigit sa kaso may kalabutan sa iligal nga droga ni De Lima.
Sumala pa nga sa hisgutanan sa korte, ang ebidensya nga gipresenta ang basehan ug dili ang estorya lang.
Gikadugang pa niini nga base sa balaod nga ang pag-angkon sa salaod ang dili basehan aron maduot sa kaso gawas pa nga gimanduan ang prosecution nga mangita ug laing ebedensya aron magpamatuod sa kasong giatubang.
Nasayran nga mismo ang amahan ni Espinosa nga si Mayor Rolando Espinosa ang napatay sa sulod sa prisohan gumikan sa alegasyon nga nalambigit sa ilegal nga droga.
Samtang si Kerwin ang gihimong testigo sa senate hearing nga may koneksyon kang Sen De Lima gumikan sa iligal nga droga.
