GENSAN – Hugot nga ginabagagan sa mga konsehal ning siyudad ang sugyot balaodnun nga absolute divorce nga anaa na sa Kamara.
Kahibaluan nga ubay-ubay ang mitambong sa sesyon kagahapong adlawa, nga gasuporta sa panawagan nga babagan ang maong sugyot baladnon.
Ug gani, gihingusganb sa mga abogado nga konsehal nga ang mga probisyon sa absolute divorce ang nakalatid na sa karaang mga balaod sa nasud hinungdan nga dili na angayang ipasa.
Sa privilege speech usab ni Kagawad Lourdes Casabuena, gihingusgan niini nga ang maong sugyot balaodnon ang dili makaayo sa katawhang Pilipino.
Gawas niini, nakalatid usab matud pa sa bibliya nga ang gihiusa sa Diyos ang dili mahimong bulagon.
Dungan niini ang iyang pangutana kon ang absolute divorce ang usa ba ka tunglo o regalo.
Samtang matud usab ni Sister Maria Theresa Diaz OND sa Women’s Development Center sa NDDU, mas maayo nga muadto sa simbahan aron mangayo ug tambag sa unsang himoon.
Ug gani, ang simbahang katoliko nga may gitawag matud pang Family Life Ministry nga mutabang sa mga magtiayon nga adunay problema.
