GENSAN – Gipanghimakak ni Glenville Gonzales, overseer sa Dr. Jorge Royeca Hospital, ang taho nga may wala sila gidawat nga pasyente.
Kini human sa nahimong viral nga video sa social media, may kalabutan sa matud pa wala gidawat nga pasyente sa maong ospital.
Matud ni Gonzales, walay kamatuuran ang naasoy’ng report, ug may gihuptan siyang ebidensya nga magpamatuod niini.
Ug gani, kamatuuran niini, dili ang Dr. Jorge Royeca Hospital inay ang usa ka pribadong tambalanan sa Brgy Calumpang ang maoy wala midawat sa maong pasyente.
Nasayran usab matud pa niya ang isyu human siya gi-tag mismo sa Facebook.
Hinungdan nga dihang iyang nasayran ang impormasyon, gilayon siyang mitawag sa nurse ug gipangutana ang sitwasyon sa maong pasyente nga usa ka menor de edad nga gasakit ang tiyan.
Apan gibutyag matud pa sa nurse nga ilaha nang naatiman ug natauran ug dextrose ang nahisgutang pasyente.
Dungan niini, giangkon ni Gonzales nga kanunay nga gi-admit sa nahisgutang ospital ang maong pasyente kung asa wala nila gisingil.
