GENSAN -Lauman matud pa nga masundan pa ang operasyon sa kapulisan sa South Cotabato batok sa iligal nga droga.
Kini tungod daghan pa nga naa sa targetlist ug mas gipakusog na ang drug campaign ug uban pang krimen sa probinsiya.
Kini human nga nagmalampuson ang One time big time operation nga gipahigayon sa lima ka barangay sa Polomolok, South Cotabato aging adlawa nga nagresulta sa pagkasikop sa 23 ka indibidwal kung asa walo sa Silway Otso, tag-lima sa Crossing Ruber, Poblacion og Magsaysay og Lumakil adunay duha nga naaresto. Samtang, duha ka notoryos nga drug pusher ang namatay sa operasyon human human matud pa misukol sa raiding team.
Ang mga naaresto ang nakasuhan na kung asa pipila ang nag-atubang sa paglapas sa Comprehensive Dangerous Drugs Act of 2002 og Illegal Possession of Firearms and Explosives.
Kahibaluan nga ikonsiderang dakong development sa kapulisan ang one time big time operation sa Polomolok tungod silang Ruben Porsuelo ug Mario Jamela Fuertes sa Barangay Poblacion ang gituohang mga suspek sa pagpatay sa Hernan Gabat, deputy chief of police sa Polomolok Municipal Police Station miaging tuig, samtang lakip sa mga naaresto ang miyembro sa ISIS inspired group nga Ansar Khilafa Philippines (AKP).
