GENSAN – Giagi na lamang sa areglo ang panagsabut sa namatay nga motorista nga nabanggaan sa usa ka Pulis.
Kini ang gibutyag ni Police Chief Insp. Ruelito Lumiguid, Hepe sa Traffic Management Unit human nagtagbo ang duha ka partido sa ilang buhatan nga ugmang adlawa mahitabo ang pagbayad .
Matud niini nga misugot ang na ang pamilya ni PO2 Allen Ternate nga bayaran ang gasto sa pagpahospital ug pagpalubong sa biktima nga si Romeo Mirasol.
Hinuon wala na gisulti sa opisyal ang gikasabutan nga presyo tungod iya kining gipaadto sa abogado aron didto ipahigayon ang binayranay samtang gitambagan nga magpresenta ug kopya sa papeles nga pinirmahan sa abogado aron ilang buhi-an ang duha ka motorsiklo.
Kahinumduman nga kaniadtong Pebrero 17 nagbangga ang motor ni Romeo Mirasol usa ka collector ug ang laing motor maneho ni PO2 Allen Ternate nga sakop sa Intelligience detection Management Branch sa Kampo Lera ning syudad.
Gideklara nga dead on arrival sa hospital si Mirasol samtang nabali-an sa wala nga tiil ang Pulis nga naa pa sa tambalanan karon.
Ugmang adlawa ilubong na sa fatima private cemetery ang biktima nga si Mirasol.
