GENSAN – Nakasuhan na ug nagkadaiyang kaso ang 23 ka suspek nga naaresto sa gipahigayong One-Time- Big-Time operations sa Polomolok South Cotabato Province niadtong Huwebes sa kaadlawon.
Pipila niini ang nag-atubang sa R.A. 9165 o Comprehensive Dangerous Drugs Act of 2002 og R.A. 9516 o Illegal Possession of Firearms and Explosives.
Ang mga suspek ang nailhan nga silang Andang Gulam og Kalid, Sarikin Motalib, JamaMotaliband Cahumnas, Oliver Fernandez Ledesma, Hussein Hassan Casbanit alias “Sen”, Ryan Mariano Bisaya, Ramon Collado Macalinao Sr og Abdulrashid Alab Marangit. Lakip nga naaresto silang Eddie Almojallas Sanchez alias Haide, George BalalaqueJamero, Juvy Jontilano Olano, Rogelio Casicas Eder og Urbano Casicas Eder.
Naaresto usab silang Gilben Biansat Aninion, Minda Partosa, Eddie Perales Norcos alias Edd, Abdulrahman Diawe alias Kaman Masser Ebrahim Malunes; Benjack Rivera Alab og Uti Uttu.
Samtang gideklarang dead on arrival sa ospital silang Ruben Porsuelo, tricycle driver og Mario Jamela Fuertes, 55 human nga nakaangkon ug samad pinusilan human nga misukol sa raiding team.
Una ng gibutyag ni PCI Aldrin Gonzales tigpamaba sa PRO-12 nga gikasa ang raid gamit ang 124 ka Search Warrants sa 35 ka balay sa lima ka barangay sa Polomolok kaadlawon nga nagresulta sa pagkaaresto sa 23 ka suspek og pagkamatay sa 2 ka tawo.
Nakumpiska atul sa raid ang pipila ka pakete sa Shabu, nagkadaiyang matang sa armas ug eksplosibo. Balhug sa selda ang mga dinakpan.
