GENERAL SANTOS CITY – Nagpasalamat ang pipila ka overseas Filipino workers (OFW) human nakatan-aw ug nakapaminaw sila sa Malakas at Maganda Doble Kara Singing Contest sa Bombo Radyo, Sabado, Pebrero 24.
Kini pinaagi sa Bombo mobile app, live streaming sa www.bomboradyo.com, ug Facebook page sa Bombo Radyo GenSan.
Matud kang Maria Leah Zolina nga gatrabaho sa United Arab Emirates, dakong tabang kaniya dihang nakatan-aw sa naasoy’ng pasundayag sa Bombo Radyo, tungod nakunhuran ang iyang pagka-homesick.
Sama sa uban pang nagtan-aw sa live video, daw sa atua lamang usab matud pa sila sa Oval Plaza sama sa libuan nga audience nga midagsa sa venue.
Kahibaluan nga ang Malakas at Maganda Doble Kara Singing Contest sa Bombo Radyo usa sa highlights sa Kalilangan 2018 ug 79th foundation anniversary sa siyudad sa Heneral Santos.
Kahibaluan nga ang nagkampeon mao si Frankie Ladres nga taga-Brgy San Isidro ning dakbayan, nga nagkanta sa “Tubod sa Naughang Sapa”.
Nasakmit ni Ladres ang premyo nga P15,000 isip kampeon.
First runner-up ug nakasakmit sa P10,000 si Rommel Arnado nga taga Polomolok, South Cotabato, sa iyang kanta nga “Hindi Ako Laruan”.
Samtang second runner-up ug nag-uli ug P7,500 nga cash prize si Bismark Baterzal sa Brgy Labangal ning siyudad sa iyang kanta nga “Hinanakit”.
Mapasalamaton usab ang kinatibuk-ang staff sa Bombo Radyo GenSan sa mga local ug national sponsors, sa tanan nga miadto ug mitan-aw sa naasoy’ng pasundayag, lakip sa tanang naminaw sa ilang mga karadyuhan, sa live streaming sa www.bomboradyo.com ug Bombo mobile app.
