15 Finalist sa Doble Kara singing Contest gibisto ang ilang sekrito
GENERAL SANTOS CITY-Sukad napili nga lakip sa kinse ka finalist sa Malakas at Maganda Doble Kara Singing Contest sa Bombo Radyo naglikay na sa mga pagkaon nga parat si Julius Cohano nga taga Maasim Sarangani isip preparasyon .
Nagtuo si Cohano nga makaapekto sa iyang tingog ang pagkaon ug bulad, baguong ug uban pang sud-an nga parat tungod lakip kini sa iyang preparasyon.
Gani suportado kini sa mga Opisyal sa Maasim ang iyang pag-apil tungod bitbit niini ang kadungganan sa ilang lugar.
Mipasalig matud pa ang mga Opisyal nga suportahan ang iyang performance pinaagi sa pag-uban kaniya paingon dinhi sa dakbayan.
Kuyog sa paglarga sa Team Cohano gikan sa Maasim ang iyang mga silingan paingon sa dakbayan.
Samtang sagul jogging ug pagkanta sulod sa pansayan ang sekrito ni Besmark Baterzal nga taga Labangal ning syudad.
Ilugan sa kinse ka mga finalist ang dagkong premyo nga P15,000.00, P10,000.00 sa 1st runner-up ug P7,500.00 sa 2nd runner-up. Samtang tig P1,000.00 usab nga consolation Prize sa mga non winning entries.
Ang kinse ka finalist ang gikan sa Pagadi-an City, Davao del Sur, Carmen North Cotabato, sarangani Province, South Cotabato ug General Santos City.
Ang Doble Kara Singing Contest sa Bombo radyo ang tinuig nga tampo sa Bombo Radyo sa Kalilangan isip crowd drawer human giila sa Konseho human nagmugna ug resolosyon isip pag-ila sa nahisgutang aktibidad nga kabahin sa kasadyahan sa syudad.
