GENERAL SANTOS CITY – Karong adlawa ang grand opening sa Kalilangan 2018 sa GenSan.
Alayun niini, hugot nga seguridad ang ipatuman ilabina sa Oval Plaza maoy sentro sa selebrasyon.
Kagahapon, nagpahigayon og bomb explosion simulation exercise ang GSCPO aron masiguro ang seguridad sa selebrasyon.
Tumong usab niini nga masayran ang kaandam og ka-accurate sa matag responding team dili lamang ang mga otoridad apan apil nan ang medical teams sa dakbayan.
Sa simulation exercise nga ang senaryo nga adunay mibuto nga bomba kung asa gilayong girespodohan sa mga otoridad.
Lakip sa mga mirespondi ang EOD og mga pulis, quick response team og CDRRMC nga ang papel mao ang pagrescue sa mga nasamdan nga tawo.
Gani ang mga nakaangkon ug slight injury ang gihatagan ug first aid samtang ang mga grabe ang gikarga sa stretcher aron dalhon sa ospital.
Lakip sa bomb explosion simulation exercise ang Coast Guard, BFP, SOCO og uban pang unit.
Luyo nga nakuratan sa kalit nga paghidangat sa daghang pulis sa Oval Plaza, nalipay ang mga stall owners nga nakit-ang andam ang mga otoridad sa posibleng dili maayong mahitabo atul sa usa ka semanang selebrasyon.
Nasayran gideploy ang kapin 2,000 ka pulis aron magbantay sa seguridad.
