GENERAL SANTOS CITY – Ugma, adlawng Huwebes alas 9:00 sa buntag gikatakda ang labing unang committee hearing sa bag-ong aplikasyon alang sa operasyon sa Small Town Lottery kon STL dinhi sa dakbayan.
Kini pangunahan mismo ni Kagawad Jeng Gacal, ang chairperson sa Committee of Games and Amusement sa konseho.
Matud pa sa nasampit, ang Trento Gaming Corporation og PCSO gihapon ang nagsumite sa maong aplikasyon aron makuha ang pagtugot o concurrence sa SP.
Gibutyag ni Gacal, basin mausab ang huna-huna sa mga city councilors depende sa mamahimong presentasyon sa Trento.
Sa iyang pamahayag nga angayang transparent sila sa syudad og ensakto ang resibo nga gihatag ngadto sa mga gataya og sa rekord mismo ngadto sa main office.
Kahinumduman nga nahimong kontrobersiyal kaniadto ang STL sa dakbayan.
Kini human nga wala gihatagan ug pagtugot sa SP ang pag-operate niini. Kini human nga na-insulto ang pipila ka konsehal gumikan wala pay concurrence sa SP apan nag-operate na kini sa dakbayan.
