GENERAL SANTOS CITY -Gipahugtan pa karon sa Epidemiology and Surveillance Unit sa City Health Office ang ilang panawagan ngadto sa mga adunay multiple sex partners nga importanteng sayron ang ilang HIV status.
Kini human nga adunay 13 ka bag-ong kaso sa HIV ang natala niadtong Enero nga hinungdan nga mukabat na sa 520 ang mga nagpositibo sa maong sakit dinhi sa dakbayan.
Kadaghanan niini mga bata pa nga nag-edad 18 hangtud 30 anyos.
Matud kay Dr. Mely Lastimoso, ang labaw sa CESU nga libre ang HIV test sa ilang buhatan og confidential ang resulta sa test.
Kung masutang positibo sa HIV, adunay libreng maintenance nga ihatag sa ilang buhatan.
Ang anti-retroviral drug makatabang aron dili musangko sa kumplikasyon ang sakit og mahimong mutaas pa ang kinabuhi.
Dungan niini, padayun ang panawagan sa City Health Office nga magproteksyon gayud aron malikayan ang HIV.
Basi sa migawas karon sa mga pagtuon nga sa nakalabay nga lima ka tuig, nagkabata ang nagpositibo sa HIV. Sa miaging tuig, siyam ang namatay sa GenSan tungod sa AIDS.
